ఇటీవలే ‘అల్లుడు అదుర్స్‌’ చిత్రంలో స్పెషల్ సాంగ్‌లో సందడి చేశారు ‘బిగ్‌బాస్‌’ ఫేమ్ మోనాల్‌ గజ్జర్‌. ఇప్పుడు మరో స్పెషల్ సాంగ్‌లో స్టెప్స్‌ వేయబోతున్నారని టాక్‌. మహేశ్‌బాబు హీరోగా పరశురామ్‌ దర్శకత్వంలో తెరకెక్కుతున్న చిత్రం ‘సర్కారువారి పాట’.
కీర్తీ సురేశ్‌ కథానాయిక. ఈ సినిమా చిత్రీకరణ దుబాయ్‌లో జరుగుతోంది. ఈ సినిమాలో ఓ స్పెషల్ సాంగ్‌ ఉందట. ఈ పాటలో మోనాల్‌తో స్టెప్స్‌ వేయించాలని చిత్రబృందం భావిస్తోందట. మరి సూపర్ స్టార్‌తో మోనాల్‌ మాస్‌ స్టెప్స్‌ వేస్తారా? చూడాలి. ‘సర్కారు వారి పాట’ 2022 సంక్రాంతికి విడుదల కానుంది.